Maa. (Mother)

Shat-shat naman karoon mein tujhko,tum Ganga ki tarha nirmal ho. Mamta ki murt ho tum janni, chandrma ki tarha sheetal ho. Tere pavan charnon me,mein hardam sheesh jhukata hoon. Tere charan-kamlon ki dhool , apne mastak par lagata hoon. Tum pujniya ho mamtamayi ho,tum meri jivandata ho. Pratham guru ho tum mata, tum meri bhagyavidhata ho. Mein tere rin se kabhi oorin ho nahi sakta. Tere upkar hai mujh par itne ki gin nahi sakta. Tujh jaisi mata mili, mujhe Garv hai is baat ka. Mein tujhme hi darshan paoon, shaktirupa jagdambe maat ka. Tere pavan charnon me sadaiv mera anurag rahe. Mata mere sir par hamesha tera hath rahe. --- Umrav Singh.